Accidente na montaxe do escenario da orquestra en Lamas
O comezo da festa hoxe, retrasarase un par de horas
Esta tarde, cando faltaba moi pouco para rematar a montaxe do escenario da orquestra que ía actuar no día de hoxe nas festas de Lamas, un anaco do escenario, na súa parte superior descolgouse nun lateral o que provocou que o técnico montador sufrira un accidente tende que ser trasladado en ambulancia ao CHOU.
Un dos músicos tamén sufriu un pequeno accidente co seu compañeiro, pero non tivo que ser asistido.
Ata o lugar do suceso desprazáronse membros de Protección Civil de Xinzo e unha patrulla da Garda Civil ademais dos servicios do 061 que trasladaron ao ferido.
Á ESPERA DUN CAMIÓN GRÚA
Os membros da comisión anuncian que este incidente non suspende a festa na tarde noite de hoxe, simplemente retrasa o comezo da actuación da orquestra. Están a espera dun camión grúa para retirar a columna de altofalantes que penduran da parte sinistrada, para poder continuar. Nestes momentos o recinto está precintado pola Garda Civil.