lunes 29/11/21

A asociación de perruquerías e esteticistas de Xinzo sorteou as súas cestas de Nadal

Susana Vázquez e Mª Sol García Cabrera foron as afortunadas.

Asoc. perruquerias xinzo 1
Asoc. perruquerías e esteticistas de Xinzo

Na mañá de hoxe, día 4 de xaneiro e na Praza Maior da vila de Xinzo, levouse a cabo o sorteo das dúas cestas de Nadal que este ano a asociación sorteaba entre tódolos seus clientes e clientas.

Neste caso a man inocente foi Alberto, propietario dun dos cafés da praza, e o notario foi a árbore de nadal instalado no lugar. O valor das cestas superou, nesta edición, os douscentos euros.

DOUS ANOS DE ASOCIACIÓN E 21 MEMBROS

Asoc. perruquerias xinzo 2A asociación leva dous anos funcionando e xa conta con 21 membros, todos eles mulleres. Non están asociados todos os centros, pero si a grande maioría, destacando a presenza do centro de Rebordechá.

A asociación formouse para a mellor promoción das súas asociadas, ademáis de poder organizar cursos de formación para todas.

Unha das particularidades deste colectivo empresarial, só de mulleres, é que a presidencia é rotatoria.

MOITO TRABALLO

Debido ao moito traballo que houbo neste Nadal, aínda non tiveron tempo para facer a cea anual, cousa que deixarán para pasadas as festas. Porén, xa están a preparar as actuacións que como colectivo emprenderán de cara á celebración de S. Valentín. Tal foi o traballo que o número de papeletas que se atopaban na bolsa pasaba amplamente do milleiro.

A asociación de perruquerías e esteticistas de Xinzo sorteou as súas cestas de Nadal
Comentarios