CDR O VISO Construyendo una normalidad que revierta esta anomalía

Colaboración cos servizos sociais comunitarios dos concellos de Xinzo de Limia, Vilar de Barrio, Trasmiras, Sandías...Dende que empezou esta situación de alarma e confinamento chegamos a máis de 130 persoas, para facilitar produtos frescos de alimentación, e outros bens de primeira necesidade para persoas en situación de vulnerabilidade polo covid-19

Nas últimas semanas temos reforzado as sinerxias entre os distintos axentes sociais da Comarca da Limia para facilitar o afrontamento das necesidades básicas de persoas en situación de vulnerabilidade e afectadas polo COVID-19.

Así pois, entre o martes 28 e o xoves 30 de abril repartíronse produtos frescos de alimentación –moitos deles provenientes das doazóns do Mercadona de Xinzo, Vegalsa e Gadisa - para aproximadamente 60 persoas pertencentes ó Concello de Vilar de Barrio. Pola nosa parte, organizamos os lotes no Centro de Inclusión e Protección Civil veu a recollelos e encargouse do seu reparto.
Esta semana, o mércores 6, foi a quenda do Concello de Sarreaus que veu a buscar nove lotes para 18 persoas do noso municipio. Preparamos os lotes que incluíron produtos frescos e variados de alimentación e Protección Civil veu a por eles e repartiunos no día.
É de salientar que temos asinados convenios de colaboración e certificados de coordinación continuada e periódica para facilitar que os diferentes programas e servizos que prestamos redunden nunha atención integrada e de calidade para as persoas usuarias e participantes en cada unha das nosas accións, para avaliar novas necesidades. Nas vindeiras semanas repartirase tamén á familias dos concellos de Trasmiras e Sandiás.

Seguiremos colaborando nesta liña, cos concellos da comarca da Limia debido á elevada demanda de persoas e familias empobrecidas e afectadas polo COVID-19 en coordinación cos servizos sociais comunitarios dos distintos concellos para que a axuda prestada chegue a quen a precise e se preveña a duplicidade da mesma.