Habitación Vudú presenta "Flores Falsas" na Arca de Noe
Habitación Vudú segue coa súa xira de concertos coa que levan percorrendo toda Galicia. Durante o verán pasaron polos escenarios de festivais tan destacados como o Cultura Quente de Caldas de Reis onde compartiron carteis con grupos destacados do panorama musical, a nivel nacional e internacional. Fóra de Galicia tamén comezan a soar, estiveron en Montealegre abrindo o concerto da banda lusa The Gift e tamén pisaron o escenario da sala Tararí de Ponferrada.
Desta volta visitan a súa terra a Limia e presentan o seu traballo "Flores Falsas" na Arca da Noe, en Vilar de Santos.
Justo Freiría á batería, Rubén Seoane ó baixo, David Fernández encargado dos sintetizadores e programacións, Jose Freiría, voz e guitarra e Jacobo Rubín guitarra e os coros, todos eles en concerto o venres 30 ás 22h.