Menos de 24 para as II Olimpiadas rurais

As II Olimpiadas Rurais Interpobos da Limia seguen medrando cuantitativa pero sobre todo, cualititativamente. Un evento no que teñen colaborado doce clubes deportivos e oito empresas relacionadas co deporte avanza un chanzo no seu sinal de identidade, a dinamización comunitaria.
Esta mañá un equipo de participantes e voluntarios de LIMISI xunto con participantes do Proxecto FAIN do CDR O Viso traballaron arreo para sinalizar os circuítos e terreos de xogo para a xornada de mañá. A colaboración da coñecida entidade referente do traballo coa diversidade funcional LIMISI é unha notable aportación desta edición das Olimpiadas. Ademais da axuda loxística e da entrega dun lote de produtos para sortear, teñen ofrecido un asesoramento permanente na incorporación da perspectiva da diversidade funcional á hora de organizar eventos.
Na mesma liña de compromiso social se ten avanzado na preparación do Punto Violeta contra as violencias machista que existirá na xornada. Encárgase o propio CDR O Viso do seu deseño e atención cun dobre obxectivo: ofrecer un punto de seguridade contra calquera violencia e sumar na visibilización deste servizo cada vez máis presente e necesario.