O Ministerio de Transición Ecolóxica quere recuperar parte da Lagoa de Antela
Foi anunciado pola propia Ministra Teresa Ribeira para antes do 2030
A vicepresidenta e ministra para a Transición Ecolóxica e o Reto Demográfico, Teresa Ribeira, presentou, con motivo do Día Mundial dos Humidais, a aposta do Goberno para impulsar a recuperación das zonas húmidas. España márcase como obxectivo alcanzar a recuperación de 20.000 hectáreas de humidais en 2030, que complementarán as 18.000 xa restauradas nas últimas décadas.
ESFORZO EN RESTAURACIÓN
Ante esta situación, a vicepresidenta destacou a firme vontade do Goberno español de emprender accións decididas no campo da restauración. “Non só se trata de conservar adecuadamente os humidais, senón de seguir emprendendo a restauración progresiva de todos aqueles que poidan recuperar a estrutura e funcións perdidas pola acción humana”, explicou. Con este propósito, perséguese o obxectivo de alcanzar a recuperación doutras 20.000 hectáreas de humidal, así como a restauración parcial de tres dos maiores humidais españois perdidos no pasado: Lagoa da Janda, Lagoa de Antela e Mar de Campos.
O Goberno aposta pola recuperación dos humidais co obxectivo de alcanzar, en 2030, as preto de 40.000 hectáreas restauradas