A paixón polas Letras Galegas contáxiase nos CEIP de Xinzo co espectáculo “O exército das paxariñas”

“O exército das paxariñas”, unha fábula creada por Xela Arias e música en directo, foi o espectáculo que esta mañá contaxiou a paixón polas Letras Galegas aos alumnos dos CEIP Rosalía de Castro e Carlos Casares de Xinzo. Trátase dunha proposta de narración oral e música coa que se pretende que os nenos coñezan o valor da poesía da man de Xela.