O PSOE pide a dimisión do presidente de NNXX de Ourense por facer apoloxía do fascismo nun vídeo
As imaxes remítense á época na que José Antonio Parente aínda non comezara a súa carreira política
Un vídeo publicado polo xornal Ok Diario estase convertendo en viral nas redes sociais. Nas imaxes vese ó presidente das Novas Xeracións do Partido Popular de Ourense, Jose Antonio Parente, nun día de troula. Nun momento do vídeo pódese escoitar a Parente decir "non podo ver a un marroquí diante, arriba España!" acompañada a frase co saúdo fascista.
As imaxes non sentaron nada ben entre a poboación e as Xuventudes Socialistas de Ourense xa emitiron un comunicado no que piden a dimisión do presidente das NNXX. "Resulta vergonzoso que un dirixente popular, que ademáis formaba parte das listas electorais do PP, faga unha apoloxía tan gratuíta do fascismo e o nazismo menospreciando e banalizando así a todas as vítimas da dictadura".
O vídeo correspóndese coa época na que José Antonio Parente aínda non empezara a subir chanzos na súa carreira política. Dende o pasado mes de abril foi elexido presidente das Novas Xeracións do Partido Popular de Ourense.