miércoles. 06.07.2022

Trasmiras creará un circuíto ciclista permanente logo do éxito da xi ruta btt do cocido

Emilio José Pazos Ojea, o rexedor, agradeceu a implicación co clube organizador nesta XI edición e anunciou o compromiso do seu Executivo con esta disciplina

trasmiras 2
trasmiras 2

Trasmiras foi este domingo 13 de marzo un concello cheo de cor, rodas e barro. Máis de 200 ciclistas, chegados dende boa parte da provincia, da comunidade autónoma e até de Euskadi, León, Madrid ou Toledo, participaron na décimo primeira edición da Ruta BTT do Cocido, prevista para o mes de xaneiro pero que tivo que ser adiada por mor da pandemia da Covid – 19.

Un foguete deu a saída neutralizada pouco despois das 9:30 horas deste domingo. O percorrido inicial pola localidade, dun kilómetro, deu paso ao circuíto, de 44 ou 63 kilómetros segundo se optase pola opción curta ou longa; que os máis de 200 ciclistas inscritos tardaron en percorrer unhas cinco horas.

Os que optaron pola curta comezaban a chegar ao pavillón polideportivo pouco despois das 12:30 horas, onde lles agardaba un chocolate quente, bica e unha ducha nos vestiarios alimentados con enerxía solar.

BTT TRASMIRAS 2
BTT TRASMIRAS 

Cando chegou o derradeiro corredor, un cento de participantes que reservaran mesa, participaron do tradicional xantar no restaurante César da localidade, onde o prato estrela e único foi o cocido, que lle dá nome á proba.

O rexedor popular, Emilio José Pazos, asegurou, logo do xantar, no que participaba por primeira vez, que entre os obxectivos a curto prazo do meu Goberno está o “consolidar un circuíto BTT permanente en Trasmiras, porque temos recursos naturais incríbles que merecen ser visitados e que deixan un bo recordo na retina de todos os que participan nesta proba. Queremos que estes corredores, todos os que xa participaron, e os que o fagan en edicións posteriores, sexan embaixadores do noso territorio e para todos eles poremos en marcha unha ruta permanente tanto para BTT como para roteiros pedestres”.

trasmiras 8
Momento de re`pñer as forzas co premio. Un cocido


José Alvar, presidente do clube BTT Nocelo, organizador do evento deportivo, destacou a complicidade do Concello de Trasmiras e de todos os que colaboraron económica e persoalmente na organización desta XI edición e lamentou “que tiveramos que ver como algún gracioso retirase parte das marcas do roteiro, que provocou que algún dos ciclistas chegados dende fóra se perdesen”.

Trasmiras creará un circuíto ciclista permanente logo do éxito da xi ruta btt do cocido