"Respétanos. Recorda que ti tamén serás maior” unha iniciativa de Vilar de Barrio polo respeto aos maiores

Mañá, o Centro de Día e Fogar Residencial de Vilar de Barrio sumarase á celebración do Día mundial para a toma de conciencia do abuso e maltrato na vellez. A finalidade é “concienciar e denunciar ou malos tratos, abuso e sufrimento que están a pasar moitos maiores en diversas partes do mundo”.

Esta actividade consistirá en deixar reflectidas, en distintas pancartas e frases, recordos e virtudes que están relacionadas coas persoas maiores. Destacar os aspectos positivos das persoas maiores é o obxectivo desta iniciativa.

Colaboran Concello de Vilar de Barrio e o Centro de Día e Fogar Residencial. Este é un servizo que conta con 25 prazas para centro de día e 24 para fogar residencial. Aquí, promóvense diferentes actividades involucrando á comunidade e ás familias para fomentar a socialización, previr a dependencia e mellorar a saúde.