O Museo da Limia acolle unha exposición de máis de 200 figuras de ras

Seguindo coa liña emprendida nos últimos tempos, de expor no seu recinto materiais da propia veciñanza da comarca limiá, o Museo da Limia acolle dende o día 22 de abril –e ata o vindeiro 15 de agosto–, unha exposición de máis de 200 figuras de ras, pertencentes á colección particular do veciño da Limia, Antonio Blanco.

A citada exposición leva o mesmo título do libro do escritor limiao Rafael Laso Lorenzo: "Unha vida de ra" (publicado pola editorial Tambre), que colabora na mesma.

Durante o tempo da exposición e, en datas pendientes de determinar, haberá no Museo da Limia distintos actos relacionados co anfibio homenaxeado.

Ademáis das 200 figuras de Antonio Blanco, a exposición complétase con frases e textos entresacadas do citado libro de Rafael Laso e con fotos de reneiros da comarca que hai anos se dedicaban á pesca da ra na antiga Lagoa de Antela e no canal posterior á súa desecación.

Durante o tempo da exposición e, en datas pendientes de determinar, haberá no Museo da Limia distintos actos relacionados co anfibio homenaxeado.

Así, presentarase ao público o citado libro de Rafael Laso Lorenzo, "Unha vida de ra", e haberá un coloquio no que, raneiros de entón, falarán das súas experiencias e mesmo do significado da ra na comarca da Limia; concluíndo cunha degustación de lembranzas gastronómicas a partir das ancas de ras.

Presentarase ao público o citado libro de Rafael Laso Lorenzo, "Unha vida de ra".

Esta exposición é o prefacio dos actos conmemorativos do 60º aniversario do inicio dos traballos da disecación da Lagoa de Antela, cuxa programación e eventos serán anunciados no vindeiro mes de xuño, unha vez pechada a programación dos mesmos. .