O Museo da Limia presenta o documental Patrimonio Habitado sobre a Baixa Limia
18:27 27/05/16
18:27 27/05/16
A citá é o sábado ás 19.30h en Vilar de Santos
O Museo Etnográfico da Limia en Vilar de Santos, acolle a proxección do documental Patrimonio Habitado. Un percorrido audiovisual pola zona da Baixa Limia no que participan veciños e veciñas de Entrimo, Lobios, Bande, Lobeira, Muíños e Calvos de Randín.
O proxecto presta especial atención ós elementos aínda vivos do patrimonio colectivo de dita comarca. A peza está realizada pola produtora Illa Bufarda coa co-produción da UTE MaOs Innovación Social-Feitoría Verde.
A proxección terá lugar este sábado día 28 ás 19.30h e enmárcase nos actos de conmemoración do 20 aniversario do Museo Etnográfico da Limia no seu actual emprazamento, a antiga casa reitoral de Vilar de Santos.