O CDR O Viso organizou este pasado sábado unha actividade de coñecemento do medio máis cercano
Esta fin de semana compartimos unha bonita mañá dentro da actividade “Sábados en familia” na aldea de Saa e Vilar de Santos.
Máis de 30 persoas con idades comprendidas entre un ano e os sesenta e pico xuntáronse para camiñar e descubrir outro recuncho fermoso da nosa comarca. Trátase dunha actividade enmarcada no programa O Noso Espazo, financiada pola Consellería de Política Social da Xunta de Galicia a través das axudas destinadas a realizar programas de interese xeral para fins de carácter social con cargo á asignación tributaria do 0,7 % do imposto sobre a renda das persoas físicas.
O que fai especiais estes encontros é o feito de ir sen máis expectativas que gozar do camiño, e desta vez, que contaban con coñecer a abandonada aldea de Saa e xogar nese espazo libremente, puidemos facer, ademais, un interesante roteiro guiados por nais e pais que nos amosaron un muíño, un pozo labrado en pedra de medidas impresionantes e un bosque autóctono en estado puro.
Nenas e nenos viven o camiño con alegría observando, explorando, parando centos de veces atraídos polo que ofrece o monte: apañaron follas, belotas, pedras, paus e algún cogumelo.
As persoas adultas fascinaron de ver a riqueza paisaxística e o patrimonio cultural que temos ó pé da casa, e reflexionamos, mentres andamos, sobre a necesidade de facer, de recuperar, de manter vivo isto que tanto esforzo lle custou ós nosos devanceiros.
Cando se está en contacto coa natureza si que somos capaces de vivir o presente e de conectar coa terra