Os comerciantes de Xinzo sortean un cheque de 1.600 euros entre a súa clientela
Por cada compra de máis de 10 euros éntrase no sorteo
Os comercios de Xinzo de Limia únense por nadal para mover as compras locais. Por cada compra que se faga nalgún dos establecementos colaboradores e que supere os 10 euros, sortéase un chegue por valor de 1.600 euros. Este premio está dividido a súa vez en catro cheques, dous de 500 euros, un de 350 euros e outro de 250 euros. Deste xeito máis xente ten posibilidade de gañar o sorteo e máis negocios entran a colaborar. O premio non se cobra en metálico senón que se gastará nos locais que participan.
O gran sorte de Nadal terá lugar o día 7 de xaneiro. Nel entrarán as compras que se fagan dende o 22 de decembro ata o 5 de xaneiro.
Entre os establecementos que colaboran atópase unha gran variedade dende comercios que venden roupa ou calzado, outros que venden comida, xoguetes ou outros que ofrecen servizos de limpeza. O comercio de Xinzo unido para potenciar que as compras do Nadal se fagan na vila.