Galicia mantense en máxima restrición para consolidar a melloría das últimas semanas e preparar unha apertura gradual e coa máxima seguridade
o mércores 17 entrarán en vigor varias aperturas graduais, en eidos como o das residencias e centros de discapacidade, o comercio, o deporte ou a cultura
Alberto Núñez Feijóo, avanzou hoxe que Galicia se manterá en máxima restrición, para consolidar a melloría alcanzada nas últimas semanas e preparar unha apertura gradual e coa máxima seguridade. “O acordo deste comité clínico é manter Galicia en restrición máxima co obxectivo de afianzar e ampliar a melloría das últimas semanas”, abundou, destacando a posta en marcha de 6 aperturas graduais.
CONSERVATORIOS DE MÚSICA E DANZA O DÍA 22
As clases presenciais en ensinanzas especiais -conservatorios de música e danza, escolas de idiomas...- retomaranse o próximo luns 22 de febreiro, “agás para a práctica de instrumentos de vento e de canto que os expertos piden aprazar de momento”,