domingo. 25.09.2022

O grupo de goberno de Xinzo resposta a nota do Partido Popular

Agradécese o interese amosado hoxe pola oposición, aínda que chegue un mes despois de que se producise a avaría e xusto no día en que foi reparada en parte. 

Grupo de goberno Xinzo
Grupo de goberno Xinzo

Fai un mes que unha avaría inutilizou as dúas caldeiras da calefacción da Casa Consistorial de Xinzo, tal e como é coñecido por parte dos e das traballadoras municipais desde entón.

Debido aos problemas de subministración das pezas necesarias para a subsanación da avaría, esta non puido ser reparada ata hoxe mesmo, cando empezou a funcionar unha das caldeiras e polo tanto o sistema de calefacción.

A activación da segunda caldeira segue pendente da recepción da peza avariada, que esperamos recibir nos próximos días.

Desde o goberno local agradécese o interese amosado hoxe pola oposición, aínda que chegue un mes despois de que se producise a avaría e xusto no día en que foi reparada en parte.

En paralelo, reiteramos as nosas desculpas aos traballadores e traballadoras, por non poder reparala antes, si ben saben que desde o goberno e desde os diferentes servicios municipais implicados se ten feito neste tempo todo o posible.