A Limia puido contemplar a lúa máis grande dos últimos 70 anos
Dende A Limia puido tomar imaxes deste evento cas único que non se volverá vivir até o vindeiro 25 de novembro do 2034.
No día de onte, luns 14, púidose ver a lúa chea máis próxima á Terra e, xa que logo, a máis grande dos últimos 70 anos. Así, non chegará a verse unha lúa con características similares ata o 25 de novembro de 2034, sendo a deste mes, a máis grande ata a data no século XXI, segundo informa a NASA.
A órbita elíptica do satélite, producindo que a Terra se atope a máis de 48.000 quilómetros do seu punto máis afastado, permitiu ver a lúa un 14% máis grande e un 30% máis luminosa do habitual. Un fenómeno que non ocorría desde 1948.
Con todo, a desta noite non foi a última superlúa, ou 'lúa de perixeo', que se producirá ao longo deste ano, xa que, aínda que en menor intensidade, o próximo 14 de decembro poderase apreciar de novo este fenómeno. O pasado 16 de outubro tamén se observou unha superlúa. A Lúa alcanza a seu "perixeo" ou punto máis próximo á Terra cada 27,55 días, pero tres ou catro veces ao ano achégase máis do habitual, coincidindo coa lúa chea.
