Máis de 150 persoas pasaron polo globo do comercio

Os premios voaron na Praza Maior de Xinzo de Limia. Neste emprazamento, máis de 150 vales para mercar no comercio local foron atrapados ao voo nunha bola xigante. Puideron acceder a esta instalación todos os clientes que nos últimos días demostraron a súa fidelidade co sector realizando compras por un valor mínimo de 20 euros. A campaña para incentivar o sector en Semana Santa e na que colaboraron Prolimia e o Concello foi todo un éxito e estímase que participaran máis de 1.000 persoas. En total, repartíronse 1.000 euros en premios.