miércoles 22/9/21
Continúa a súa campaña na Baixa Limia

Manuel Baltar pide o recoñecemento aos concelleiros e concelleiras como “os activos máis importantes do partido”

Nas xuntanzas con compromisarios e cargos de Bande e Celanova

 

Reunión Manuel Baltar (Presidente do PPOU) cos compromisarios da Baixa Limia en Bande.
Reunión Manuel Baltar (Presidente do PPOU) cos compromisarios da Baixa Limia en Bande.

“A verdadeira escola da política está no municipalismo, onde os nosos representantes públicos teñen un contacto directo coa veciñanza e procuran con gran esforzo e traballo as solucións que demandan as persoas”, afirmou hoxe o candidato á reelección da presidencia do PP, Manuel Baltar, reclamando deste xeito “o merecido recoñecemento aos concelleiros e concelleiras populares, estean no goberno ou na oposición, como os activos máis importantes do partido”.

Manuel Baltar cos compromisarios da comarca de Celanova.2Durante os encontros que mantivo con cargos locais da formación e compromisarios das comarcas de Bande e Celanova, Baltar comprometeuse a celebrar unha convención anual municipal “que sirva para poñer de relevo aos máis de 400 homes e mulleres do PP que cada día traballan nos 92 concellos da provincia para dar o mellor servizo aos cidadáns”.
Co seu labor, “os nosos representantes locais constrúen día a día os piares dun partido coa maior implantación territorial da provincia e danlle a forza necesaria para conseguir os mellores resultados electorais”, engadiu o candidato. Así, a proposta de celebrar unha convención anual municipal “permitiranos darlles máis visibilidade, xerar equipo, fomentar a comunicación, intercambiar experiencias e reforzar os nosos principios”, subliñou.