Medio Rural destinou 143.000 euros a recuperar áreas queimadas e previr lumes en Cualedro
23:56 26/02/18
23:56 26/02/18
A conselleira Ángeles Vázquez visitou hoxe estas actuacións.
A Consellería de Medio Rural da Xunta de Galicia destinou 143.000 euros a habilitar zonas de pastoreo en Cualedro para recuperar áreas queimadas e previr de novos lumes.
Esta iniciativa enmárcase dentro do plan de pastoreo impulsado pola Xunta e dá resposta tamén a unha das 30 medidas deseñadas tras a vaga de incendios do pasado ano, no que se refire á mellora silvopastoril en extensivo no sur de Galicia.
A conselleira Ángeles Vázquez visitou hoxe estas actuacións e destacou a súa importancia na dinamización e aproveitamento sustentable dos espazos rurais, así como para a defensa e prevención dos incendios forestais.