Un novo cartel eleva a doce o número de traballos dos que sairá a imaxe do Entroido

A Comisión Troula de Festa colgou este mediodía outro cartel para sumalo ó resto de traballos. A obra chegou a tempo pero por un problema de loxística retrasouse un día a súa votación.

Con este son 12 os carteis que entran a concurso para escoller o que será a imaxe do Entroido 2016. A votación permanecerá vixente ata o xoves. Este ano só se poderá emitir un voto por persoa.

O venres á mañá coñecerase quen é o gañador ou gañadora.