A oposición socialista tira de arquivo cando non ten nada novo que dicir

Manuel Cabas2
A oposición socialista tira de arquivo cando non ten nada novo que dicir

Manuel Cabas, solo está de acordo coa portavoz socialista en que hai que facer un chamamento ao civismo da cidadanía

Desta maneira se \“despacha\” o concelleiro de Medio Ambiente de Xinzo, ante a moción presentada polo grupo socialista para tratar no próximo pleno ordinario.

Este verán tódalas rúas, dende a primeira ata a última véñense baldeando tres veces ao mes. Tamén e verdade é que ao pouco tempo desa limpeza comezan a aparecer cavillas, papeis e outras cousas. Niso si estou de acordo coa portavoz socialista, en que hai que concienciar un pouco mais a cidadanía, de que hai papeleiras para toda esa clase de residuos, e que o seu sitio non é a rúa.

Tamén critica que a oposición presente fotos de lugares determinados que nalgún momento poidan estar un pouco mais sucios, pero non saca esas fotos unha vez pasan os membros da limpeza.

En canto a mala distribución dos efectivos Manuel Cabas afirma rotundamente que eses comentarios son de alguén que nunca gobernou e non sabe o que é ter que distribuír o traballo dun grupo de xente, que ten vacacións, permisos e baixas.

NON TODOS OS MEMBROS DA OPOSICIÓN OPINAN O MESMO

Continúa Cabas dicindo que outros membros de grupos de oposición que se sentan ao carón do seu grupo, e aínda algún do seu mesmo grupo, ten comentado que este ano Xinzo, está mais limpo que anos anteriores.

Que se pode mellorar, por suposto, e cara a ese punto iremos. Esperamos que o ano que ven teñamos outra máquina varredora de beirarrúas que prometeu esta mañá na súa visita a Conselleira de Medio Rural.