O PSDEG-PSOE DE XINZO PROPÓN QUE O PLENO APROBE UNHA BATERÍA DE MEDIDAS PARA FREAR O ABANDONO DO RURAL QUE É FACTOR CLAVE PARA O PRESENTE E O FUTURO
Propóñense dez acordos como a apertura dunha mesa de traballo e reclámase á Xunta dotación orzamentaria suficiente e sostida ou a reforma do Plan de Desenvolvemento Rural de Galicia
O PSdeG-PSOE propón un importante debate de calado para o futuro da comarca da Limia e, en xeral, de toda a provincia de Ourense. Unha segunda moción para o vindeiro pleno municipal de Xinzo reclama medidas para frear o abandono do rural, debido ó seu papel clave \“como dinamizador fundamental e base da economía produtiva\”. Os socialistas alertan, unha vez máis, de que \“levamos décadas de desatención, envellecemento demográfico, falta de relevo xeracional nas explotacións, abandono da actividade agraria e gandeira ou de eliminación de toda clase de servizos públicos\” o que está a condear o futuro de todos nós. E por iso creen que debemos impulsar unha \“aposta clara de todas as administracións públicas\” porque \“a xente ten que ter servizos de calidade de vida á altura dos tempos en que vivimos, así como percibir un recoñecemento por parte da sociedade polo labor desenvolto no rural\”.
A portavoz do PSdeG-PSOE, Elvira Lama, explica que \“estamos ante unha cuestión clave para o presente o futuro das nosas vidas e, sobre todo, das vidas dos nosos fillos e fillas, polo que debemos apostar sen titubear por recuperar o impulso perdido do rural da provincia de Ourense\”. \“A importancia do rural para a economía dos veciños e veciñas de Limia é moi grande polo que debemos ter moi claro que necesitamos medidas claras, concisas é útiles que, sen demora, lle dean a volta a esta situación de abandono a que estamos sometidos\”. Lama denuncia que \“levamos décadas de desatención e recortes de todo tipo que están a expulsar a xente do lugar onde realmente quere vivir, pero non pode pola vergoñenta falta de servizos e oportunidades\”.
Na moción reclámanse dez acordos ó pleno municipal de Xinzo de Limia, entre os que destacan instar ó Concello a que solicite \“á Presidencia da Xunta de Galicia a apertura dunha mesa de traballo, na que estean representados todos os actores institucionais, sociais e económicos que poidan facer achegas para desenvolver medidas políticas urxentes para combater o abandono do medio rural\”; esíxese á Xunta \“a dotación orzamentaria suficiente e sostida no tempo que permita afrontar\” o problema e reclámase a aplicación \“dun paquete de medidas urxentes de contención económica\” fronte a seca, xeada e lumes. O texto tamén pide unha nova política forestal; unha reforma do Plan de Desenvolvemento Rural de Galicia; ampliar e manter servizos no rural (acceso a Internet ou impulso das enerxías renovables) e tamén solicita que \“non se atrase nin un día máis a solución aos graves problemas estruturais que ameazan o futuro de agricultores e gandeiros, como a mobilidade de terras que permita o acceso ás terras aos mozos que se incorporarán nos próximos anos\”.
Estas son as 10 medidas propostas polos socialistas