“Sentido común” nos desprazamentos este Nadal

Simulacro de accidente de tráfico
“Sentido común” nos desprazamentos este Nadal

Emilio González pide á cidadanía de Ourense nos seus desprazamentos de Nadal e alerta sobre o consumo de alcol e a condución

O subdelegado do Goberno en Ourense, Emilio González, pediu esta mañá á cidadanía de Ourense “sentido común” á hora de desprazarse por estrada durante as festas de Nadal e alertou sobre o consumo de alcol e drogas vinculado ás celebracións e o seu impacto na condución. Emilio González pronunciouse así na presentación da campaña impulsada pola Xefatura Provincial de Tráfico de Ourense para as festas e que leva por lema

“Non Nadal Sentidiño//En Nadal, sentido común”.

ourense_trafico1
Simulacro, esta mañá en Ourense

A presentación contou coa participación do xefe provincial de Tráfico de Ourense, David Llorente e o tenente responsable da Garda Civil de Tráfico en Ourense, Javier Barja. Xunto a eles, o subdelegado asistiu a un simulacro de accidente de tráfico con vítimas no punto quilométrico 2 da estrada OU-536. “Escollemos esta zona porque é un punto delicado e límite da vixilancia entre Policía Local de Ourense e Garda Civil, os cales están a realizar numerosos controis conxuntos nestas datas nas entradas e saídas da cidade”, explicou.

No simulacro participaron persoas voluntarias, e membros da Garda Civil, Protección Civil, Bombeiros, servizos sanitarios e de asistencia na estrada. Unha petición: non sumar vítimas O subdelegado do Goberno pediu que estas festas “non somen nin unha vítima máis nas estradas da provincia”.

Advertiu que no que vai de ano, na provincia de Ourense producíronse 13 vítimas mortais este ano 2022 (12 na estrada e 1 en zona urbana). O ano pasado, nas mesmas datas, rexistráronse 8 persoas falecidas, o que supón un aumento superior ao 60% neste ano