Tráfico na Escola
Ao redor de 60 alumnos do CEIP Carlos Casares coñeceron as normas de tráfico nun circuíto para bicicletas habilitado no patio
Con só 3 e 4 anos, o alumnado do CEIP Carlos Casares demostraron esta mañá que as normas de circulación son unha materia que teñen controlada. Así, da man da Policía Local e de Protección Civil, percorreron un circuíto de bicicletas con sinais horizontais e verticais e ata unha rotonda. Fixérono por quendas e grazas a unha xornada de mobilidade organizada pola Xefatura Provincial de Tráfico en colaboración co Concello de Xinzo de Limia. Os cativos e cativas estiveron acompañados polo concelleiro de Mobilidade, Ramón Gómez; a subxefa provincial de Tráfico, Andrea Conde e a coordinadora de Educación Vial, Sinda Aguiar.