Xornada sobre o despoboamento do Rural
Presentación do programa que leva a cabo o CDR O Viso
Onte a noite a Casa da Cultura de Xinzo acolleu unha pequena xornada de presentación do programa que está a levar a cabo o CDR O Viso para por frear, aínda que sexa un pouco o despoboamento do rural.
O encargado de presentar o programa foi o seu coordinador Camilo Vila, quen explicou en principio como é a visión xeral que temos todos das cidades e do rural.
Todos vemos o rural con conceptos positivos e as cidades negativas, polo que a “priori” parecería moi sinxelo unir esas dúas realidades e solucionar o problema, algo que de momento non parece moi doado.
A idea que ten todo o mundo dos pobos defínea como:
Pobos vivos- Casas sen xente-Ritmo calmado-Saúde e Sustentabilidade, pola contra as cidades vémolas como: Cidades cheas- Xente sen casas- Ritmo estresado- Tensión e Carestía.
Explicou despois o caso do pobo de Boado no que existen 150 “casas” das que 25 están habitadas, unha alugada 15 abertas para o fin de semana e 90 ruínas.
A partir de datos como este que e semellante a moitos pobos do rural, tratan con este proxecto e co traballo que isto se vaia revertendo pouco a pouco. El pensa e está convencido que aínda hai ESPERANZA para o rural.
INTERVENCIÓN DE ELVIRA LAMA
A continuación deulle a palabra a alcaldesa, que xa é un exemplo de que as cousas están a mudar, porque é a primeira muller alcaldesa de Xinzo en toda a súa historia.
Comezou Elvira dicindo que ela pensaba que dende a alcaldía este problema se ía a resolver, pero está vendo que non. Despois da pandemia, todos pensabamos que a xente voltaría ao rural, pero por desgracia os que están a voltar son persoas de outros países, sobre todo de centro e suramericana.
Felicitou a Miriam Opazo polo premio acadado pola curta que se ía a proxectar e ao CDR para que siga traballando en
PROXECIÓN DA CURTA
Pasouse logo a visionar a curta Retratos do Silencio coa que Miariam Opazo gañou o segundo premio de Galicia Xuventude Crea 2022 na que reflicte tamén o que acontece con moitos dos pobos da nosa contorna.
Rematado o visionado a creadora da curta saíu ao escenario para recibir o aplauso de todos os presentes e os agasallos que lle entregou o CDR O Viso e a alcaldesa.
Parcas en palabras, pola súa exultante xuventude, Miriam solo acadou a dicir que estaba sorprendida pola cantidade de xente que acudira, o cal non tiña moi claro.
proxectos coma este que tanta falla fan no rural.