822 alumnos e alumnas de infantil e primaria comezarán o curso 17/18

404
822 alumnos e alumnas de infantil e primaria comezarán o curso 17/18

O luns 11, nos dous centros da vila

Os centros Carlos Casares e Rosalía de Castro abrirán as súas portas o luns día 11 para comezar o curso 2017/18 no que dos 822 alumnos e alumnas 173 comezan a súa etapa estudantil con tan solo 3 anos.

Obras e dirección no Carlos Casares

Este curso a Consellería fixo obras de mantemento e pequenas reformas na cociña, novos despachos nova aula de convivencia e mobiliario en aulas e despachos. Tamén o centro renovou a dirección que este ano rexenta Milagros Lozano (Mila), que asumiu o pórse ao fronte do centro despois do traslado da anterior compañeira . Aínda que este ano asumiu a dirección, xa coñece tanto o centro na súa faceta administrativa, pois xa era xefa de estudos, pero tamén a alumnos e país, pois leva no centro xa 10 anos.

O Rosalía de Castro tamén tivo algunha que outra reforma e acondicionamento , os baños do pavillón así como a ampliación de dúas aulas, neste caso con presuposto do propio centro.

Proxecto robótica

Ademais de Centro Abalar, este curso teñen a intención de solicitar un proxecto de robótica e a implantación do Francés, como segundo idioma en 6º curso, comenta o seu director J. Manuel, que segue ao fronte do centro.

Outro dos proxectos que teñen en carteira é a pintura dos muros do pavillón, conxuntamente cos país e alumnado.