Amigos das Árbores da Limia reúnese mañá co alcalde de Xinzo
23:44 02/05/17
23:44 02/05/17
Varios membros da Plataforma Amigos das Árbores da Limia reuniranse mañá co rexedor limián, Antonio Pérez.
Tras varias semanas de mobilizacións e recollidas de sinaturas, o alcalde de Xinzo de Limia recibirá mañá na Casa do Concello a representantes da Plataforma Amigos das Árbores da Limia. A reunión, que foi solicitada pola plataforma a pasada semana, terá lugar ás 12:00 horas. Nela, ademáis de Pérez, estarán presentes técnicos do concello para avaliar as propostas da plataforma.
A Plataforma Amigos das Árbores da Limia naceu co obxectivo de reclamar unha solución para a Avenida de Celanova que conserve as árbores centenarias presentes nas beiras do vial na súa totalidade.