O Pte. do Parlamento Galego, tamén limián, como el manifestou, o Alcalde de Xinzo, O secretario de Política Lingüística, o Vicepresidente da Deputación e o fillo do escritor en representación da Fundación Carlos Casares presidiron a mesa que se formou para dar o remate o ano das letras galegas dedicadas ao escritor Limián.
Tamén en lugar destacado no escenario estaban o Pte. da Fundación Carlos Casares, o Concelleiro de Cultura Carlos Gómez, o escritor Rafael Laso e os galardoados nos diferentes concursos co gallo do ano de Casares.
Exerceu de mestre de cerimonias o técnico de Cultura do Concello Xosé Lois , quen foi ordenando as distintas fases do acto.
ENTREGA DE AGASALLOS AOS GAÑADORES
Unha das partes do acto consistiu na entrega de agasallos, neste caso unha medalla do Concello deseñada para a ocasión, foi o que recibiron os premiados no concurso literario Eva Rodríguez González e Ana Guede Caramés.
O escritor limián Rafael Laso (colaborador de dendealimia), foi o encargado de presentar tanto os premios, como de facer a valoración dos traballos presentados e sobre todo loxicamente dos premiados.
Tomou a palabra o concelleiro de cultura para ir lendo as actas dos distintos xurados calificadores dos distintos concursos.
As dúas galardoadas recibiron as súas distincións das mans do alcalde e do Pte do Parlamento.
José González Joga, foi o gañador no concurso de deseño dunha portada para o libro “Vento ferido”, quen amosou nunha breve intervención como chegou a ese deseño, ademais de agradecer ao xurado a súa decisión.
O Primeiro Premio Carlos Casares de Xornalismo Literario foi a parar as mans do ourensán Alfonso Vázquez-Monxardín Fernández, historiador,e mestre de Lingua e Literatura Galega.
Na súa intervención amosou a súa satisfacción de compartir o seu premio con dúas alumnas de instituto posto que era unha delicia persoal saber que aínda hai xente que le, posto que para saber escribir, como fan elas, e os demais que se presentaron, fai falla ler moito. Recordou a figura do autor Carlos Casares dende a súa figura de escritor, de lector e sobre todo de escoitador, do cal el daba boa fe.
