Motivos persoais levaron a Luís M. Gil a solicitar ao Alcalde a renuncia dentro das competencias que ata agora levaba ós cometidos de Cultura e festexos.
Segundo confirma o alcalde o traspaso de competencias farase efectivo no día de hoxe, despois dunha reunión entre ámbolos dous concelleiros.
Moito traballo para unha soa persoa
Carlos Gómez manifestou a dendealimia que na reunión que manterán os dous concelleiros para o traspaso de competencias, cousa normal entre concelleiros dunha corporación na cal todos estamos a axudarnos uns os outros, quere que Luís Miguel, dentro das competencias de Educación, siga levando a Agrupación Musical da Limia a escola de Teatro e algunha parcela mais que ata agora se englobaba en Cultura.
Como todos saben esta concellería non e nova para min e asumo as competencias , non no ánimo de mellorar, posto que iso vai a ser difícil, se non so no ánimo de colaborar no desenrolo das competencias que temos que asumir o grupo de goberno, o cal fago con gusto, aínda que solo sexa para sacarlle traballo a un compañeiro que así o solicitou.
PRIMEIRA DECISIÓN, A COMISIÓN DO ENTROIDO
Unha das primeiras decisión coa que ten que “lidiar” o novo concelleiro é a organización do Entroido.
QUE SEXA UNHA COMISIÓN VECIÑAL
O que ten claro Carlos Gomez, preguntado por este tema é que o Entroido é a primeira festa en importancia de Xinzo e que ten que ter a colaboración dunha comisión veciñal, posto que Cultura non ten persoal suficiente para facerse cargo da súa organización sen axuda.
Neste senso o único que hai no Concello é unha petición por parte da comisión organizadora dos dous últimos anos de que a concellería convoque unha reunión veciñal como é costume.
Tamén hai outra solicitude por parte doutras persoas, experimentadas igualmente, ofrecéndose para colaborar tamén na organización.
Todos eles teñen o o espírito do entroido e as gañas de colaborar desinteresadamente en que a festa saia o mellor posible.
