Concorrido Santo Enterro o pasado venres en Xinzo
A procesión saiu da Igrexa Nova de Xinzo e rematou no mesmo lugar. Mostrámosche a galería de fotos da procesión.
O pasado venres –Venres Santo– tivo lugar en Xinzo a procesión do Santo Enterro de Xesucristo. A procesión foi presidida este ano polo Arcebispo de Belcastro –que é natural da localidade limiá de Lodoselo–.
A procesión foi presidida este ano polo Arcebispo de Belcastro.
Entre os centos de feligreses que participaron na celebración relixiosa, destaca asistencia das forzas políticas –incluído o rexedor de Xinzo, Antonio Pérez– e tamén os máximos representantes das Forzas e Corpos de Seguridade do Estado.
A procesión saiu da Igrexa Nova de Xinzo e rematou no mesmo lugar. A imaxe do Santo Cristo e mailos feligreses asistentes estiveron acompañados polas cofradías do "Nazareno" e da "Virxe da Dolorosa". O percorrdio estivo amenizado musicalmente pola Agrupación Musical da Limia e polo Grupo de Percusión da Escola Municipal de Gaitas da capital da Limia.
