Dous lumes queiman máis de 60 hectáreas en Xinzo de Limia e Lobios
Os lumes achegáronse perigosamente ás vivendas dalgúns lugares.
No caso de Xinzo de Limia, o incendio declarouse na parroquia Damil sobre as 16:50 horas. Nas tarefas participan catro avións, catro helicópteros, catro motobombas, nove brigadas e dous axentes.
O lume achegouse perigosamente ás vivendas nas localidades de Damil, Rebordechá, San Pedro e Laroá. Arredor das 19:30 horas xa se queimaran más de 20 hectáreas. Non se ten información do alcance actual do lume.
Pola súa banda, o lume tamén activo en Lobios afecta xa a unhas 35 hectáreas. O incendio iniciouse ás 14:04 deste venres na parroquia de Araúxo, e a Xunta dáo por estabilizado, pero non controlado, desde as 17:50 horas. No operativo participan nove helicópteros, seis avións, 14 brigadas, cinco motobombas e un axente.