A estrada de Xinzo a Vilar de Barrio pasará a ser da Deputación Provincial no tramo pertencente a Xinzo

Pleno abril
A estrada de Xinzo a Vilar de Barrio pasará a ser da Deputación Provincial no tramo pertencente a Xinzo

Esta foi unha das mocións aprobadas na sesión ordinaria do Pleno Municipal celebrado pola corporación limiar na mañá do venres

Varias foron as propostas levadas ao pleno que foron aprobadas por unanimidade. A da cesión da estrada que une Xinzo con Vilar de Barrio, fora proposta polo PSOE de Xinzo, e aprobada xa na Deputación Provincial. Desta maneira poderase conservar en mellor estado e evitar a cantidade de accidentes que hai na mesma. A moción foi aprobada cos votos positivos de tódolos partidos agás o do BNG.

Outra das propostas que si contou co prace de tódolos membros da corporación, foi a de instar tanto a Microsoft, Google,Facebook ,WhatsApp ou Instagram, así como o propio goberno central para que dunha vez por todas desapareza a acepción \“Ginzo de Limia\” polo de Xinzo de Limia, que é como realmente se nomea a nosa vila.

A portavoz dos socialistas tamén valorou \“positivamente\” que o grupo do goberno traia a nova ordenanza de subvencións do concello. Isto solo reflexa que o propio \“concello está a ser mais transparente\”

Seguindo coa mesma tónica, a corporación tamén aprobou acordos coa Confederación Hidrográfica para varios proxectos , entre eles o mais urxente é o da depuradora de Fiestras.