Ferida unha nena tras ser atropelada na rúa Dous de Maio de Xinzo de Limia

maio
Ferida unha nena tras ser atropelada na rúa Dous de Maio de Xinzo de Limia

Os feitos aconteceron pasadas as 20.30h do serán cando unha cativa foi atropelada na rúa Dous de Maio de Xinzo de Limia.

A menor de dous anos soltouse da man da persoa que a acompañaba e nun despiste saiu á carretera. Nese intre un vehículo que pasaba pola zona atropelou de maneira accidental á cativa. Como consecuencia dos feitos a nena foi trasladada ó centro médico da vila aínda que non presenta feridas de gravidade. A persoa que conducía o vehículo tivo que ser atendida polos servizos de emerxencias a causa dunha crise de ansiedade.

Ó lugar do suceso acudiron membros de Protección Civil de Xinzo e a Policía Local.