Fórmate como monitor de tempo libre na Limia
O CDR O Viso organiza un curso en Lodoselo entre o 26 de xullo e o 14 de agosto
REDACCIÓN
Twitter: @Dendealimia
A Escola de Tempo Libre Limicorum do CDR O Viso achega unha oferta formativa pensada especialmente para a xente moza,co obxectivo de facilitar a inserción socio-laboral, aproveitando as posibilidades do entorno como axentes dinamizadores da comunidade rural. Así, organiza para este verán un curso de monitor de tempo libre homologado pola Xunta de Galicia e que se celebrará entre o 26 de xullo de o 14 de agosto deste ano.
A formación terá lugar no Albergue do CDR O Viso en Lodoselo, Sarreaus e o prazo de inscrición permanecerá aberto ata o 15 de maio. Os únicos requisitos para os participantes son ter 18 anos ou máis, e o graduado en ESO. Todos os interesados poden achegarse para anotarse ou recibir máis información ao CIX da Limia: Praza Maior Nº1 1ºA, Xinzo de Limia. Ou contactar por correo electrónico no enderezo cixdalimia@cdroviso.org , ou telefonicamente no 988 46 15 71.