O “himno da Alegría” contaxiou aos músicos, aos políticos e aos veciños
O día da inauguración da praza da Música
Media hora antes do comezo, e cos coros e os músicos ensaiando moitos veciños e veciñas esperaban na praza Carlos Casares a que se abrisen as portas e poder ocupar o medio cento de cadeiras preparadas para asistir ao concerto de inauguración da praza.
As cadeiras quedaron escasas para todos aqueles que non querían perderse este primeiro concerto ao aire libre.
Elvira Lama agradeceu a presenza de todos e todas, orquestra e coros e tamén aos compañeiros de corporación e a do parlamentario Carlos Gómez, para a continuación facer un pouco de historia de como se chegou a este día.
Recuperamos este espazo, degradado infrautilizado e moitas veces cheo de lixo e recuperámolo para darlle aos veciños un novo espazo de lecer.
Nin o espazo nin o tempo se poden estirar. Esta praza mide o que mide
HISTORIA DO CONSERVATORIO
Iniciou a súa andadura en 1976, sendo un apéndice do conservatorio de Ourense. No 1990 Centro de grado Inicial e no 1996 convértese nun conservatorio de grado profesional.
Quíxose unir o presente o pasado e o futuro na mesma praza. O presente estámolo vivindo, o pasado está representado na foto dunha banda de música dos anos 30 e o futuro represéntano todos os cativos, que hoxe participan neste acto. Moitos destes que están sentados nestas cadeiras serán músicos e músicas do futuro.
Este espazo que hoxe se abre o público empregarase non solo para o alumnado do conservatorio, nos seus ensaios e actuacións ao aire libre, se non que se empregará para pequenas actuacións de teatro, de títeres etc.
Rematou o acto coa interpretacións por parte de todo o alumnado do conservatorio por primeira vez xuntos do himno da alegría cuxa partitura forma parte da decoración do chan da praza.