Non faltou ninguén
A praza Carlos Casares quedouse pequena
Nunha noite, case outonal, e cunha praza Carlos Casares que se quedou pequena , soou o Petardazo 2018 que deu por comezado o Entroido deste ano.
Parece que ninguén se quixo perder este primeiro momento. Parte da rúa Curros Enriquez estivo ocupada por moitísimos seguidores do entroido Limián vidos dende as vilas achegadas e non tanto, que non quixeron perderse o momento.
COMISIÓN E CONCELLO MOI SATISFEITOS
Nin que dicir ten, que os membros da comisión 2018 rigorosamente disfrazados acudiron ao balcón municipal, ó que non faltaron o Concelleiro de Cultura e o Alcalde, ataviado co seu uniforme tradicional de almirante. Todos eles manifestaron a súa ledicia por ver tanta xente gozando deste primeiro acto do entroido mais longo de Galicia.
Como a imaxinación en Xinzo brota ao instante, os triunfadores da noite foron o grupo representativo do sorteo de Nadal, que deixou un "pellizco" na vila.