O PP saca adiante todas as propostas levadas ao pleno
Xinzo Adiante votou en contra da proposta de modificación de crédito para atención domiciliaria
Despois da aprobación da acta do pleno anterior, o primeiro punto aparecía unha moción conxunta de todos os partidos na que se inste ao goberno central ó cambio do Código Penal, no referente a violencia de xénero.
O segundo punto da orde do día que foi tamén apoiada por todos os ediis referíase a proposta dos Socialistas para instar a Xunta para que constrúa unha nova residencia para maiores.
Segundo informou Elvira Lama, na defensa da proposta, nestes momentos xa hai falta de prazas para atención aos noso maiores, e loxicamente polo camiño que leva a poboación cada vez serán mais as necesidades.
A moción foi aprobada por unanimidade.
A unanimidade rompeuse na seguinte proposta referente a firma dun convenio coa Xunta, para que nas próximas necesidades de policía Local e auxiliares, o proceso de selección o faga directamente a consellería correspondente. Este acordo foi asinado pola FEGAMP xa no ano pasado.
Os membros de Xinzo Adiante votaron en contra por considerar que esta competencia ten que quedar no concello e non perdela a mans da Xunta.
56 persoas están en lista de espera na atención domiciliaria
O partido do goberno solicitou a declaración de urxencia para unha moción na que se solicitaba a Modificación de Crédito, posto que nos estudos levados a cabo polos SS.SS. do concello informan que neste momento hai 56 persoas que teñen dereito a atención domiciliaria, pero a partida orzamentaria quedouse curta.
Aprobouse a urxencia por unanimidade e o alcalde defendeu a necesidade de cambio de partida por importe de 33.400 € que sería o custe deste servizo a estas persoas. O resto do custe será achegado pola Xunta de Galicia.
O problema que xurde é que o concello non pode contratar a mais persoal para estas función, co que no seguinte pleno traerase a proposta de contratación do servizo a unha empresa.
Elvira Lama, apoiou a modificación de crédito, posto que si esas persoas o necesitan haberá que facelo para dar o servizo.
Manolo Pérez Campos, en representación do grupo de Xinzo Adiante explicou que eles votarían en contra porque isto o único que demostra é que o PP quere privatizar o servizo.
A proposta aprobouse cos votos do PP e dos Socialistas.