Primeira actuación do programa verán2020

Nunha tarde inmellorable de temperatura a praza Carlos Casares, preparada coas medidas de seguridade esixida, recibiu a primeira actuación, do amplo programa do verán cultural da vila de Xinzo.

Primeira actuación post-covid, tanto para a nosa vila como para o grupo Queixumes dos Pinos que agradeceu enormemente que os concellos comecen a programar espectáculos culturais, para que todos, grupos, técnicos, etc, comecen a súa volta a normalidade.

Non máis de catro ducias de veciños e veciñas de Xinzo foron os que se achegaron ata a praza para seguir o concerto de cantigas, todas elas populares, que ofreceron as pandereteiras e pandereteiros do que algún dos seus integrantes é veciño da vila.

Ao final da actuación os compoñentes vaixaron do escenario para agradecer a presenza do público asistente ao concerto.