O río Limia, quedou abrazado
Mais de 400 rapaces e rapazas de colexios percorridos polo Limia, cumpriron co acto do abrazo simbólico do río en Xinzo
Despois de meterse entre peito e costas uns bos bocadiños os alumnos de 4º de E.P. dos colexios de Xinzo e de Ponte de Limia, pasaron o salón de actos da casa de Cultura para escoitar dúas pezas interpretadas pola banda da escola municipal de Xinzo.
Posteriormente visionaron unha pequena curtametraxe feito polo alumnos do CEIP Carlos Casares, para pasar logo ós discursos oficiais.
Nestes discursos, resaltaron o importante destas xuntanzas que serven , non só para aprender, se non o máis importante para facer lazos de amizade, que tódolos representantes, tanto dos concellos participantes, como dos colexios, resaltaron porriba de todo.
ABRAZO Ó RÍO
Unha vez rematado este acto, máis protocolario os rapaces e rapazas desprazáronse ata o río Limia, para entre a ponte e a pasarela facer o abrazo simbólico, principal acto da xuntanza. Mentres se levaba a cabo este abrazo, nenos representantes de Xinzo e Pontedelima, facían unas peticións por megafonía, referentes o trato que lle debemos dar a natureza, para conservala, e si é posible mellorala.
PLANTACIÓN CONMEMORATIVA
O ano pasado púxose unha arbore nos xardíns do parque, árbore que estaba totalmente florida e este ano arredor plantaronse 4 exemplares de azaleas.
Rematados estes actos comezaron as actividades de todo tipo que conxuntamente os levarán ata Trandeiras e como non o nacemento do río que nos une, o Limia ou o Lima.