Un choque entre dous vehículos remata con dous feridos á altura de Porto Alto
12:34 29/09/15
12:34 29/09/15
O accidente produciuse arredor das 10 da mañá
O sinistro rexistrouse arredor das 10h desta mañá na estrada secundaria OU-1105 á altura de Porto Alto, na Limia. Un vehículo alcanzou a outro dos coñecidos como "sen carné", producindo que o coche emborcara, segundo fontes de Protección Civil de Xinzo de Limia.
Ata o lugar dos feitos achegáronse os bombeiros de Xinzo, pois nun primeiro momento pensouse que os ocupantes estaban atrapados. Finalmente non foi precisa a súa actuación.
Os condutores dos vehículos foron atendidos polos servizos de emerxencias. Ata o lugar do sinistro tamén se achegou a Garda Civil de Tráfico e o persoal de mantemento de vías para limpar a zona.