Teatro de Castelao para os alumnos dos institutos de Xinzo
23:41 21/11/16
23:41 21/11/16
A representación da obra "Cousas" corre a cargo da compañía "Os quinquilláns".
O Concello de Xinzo de Limia, en colaboración coa Deputación de Ourense e a Editorial Galaxia organiza, para este xoves, día 24, a representación teatral da obra de "Cousas", escrita por Alfonso Daniel Rodríguez Castelao.
Esta representación de teatro xuvenil está dirixida aos alumnos dos dous IES da capital da Limia: o Cidade de Antioquía e o Lagoa de Antela.
Terá lugar no Auditorio da Casa da Cultura da vila, a partir das 12 horas, a cargo da compañía "Os quinquilláns". Na organización do evento tamén participa a Rede Provincial de Auditorios de Ourense, á que pertence a capital da Limia.