Esta mañá espertamos coa noticia, proveniente de acceso que “Dendealimia.com” tivo o Rexistro do Concello de Xinzo, onde, onte venres as 15 horas Elvira Lama presentou a súa renuncia como Alcaldesa de Xinzo despois de pouco mais de seis meses de mandato.
De fontes próximas a propia Alcaldesa, sabemos que o motivo esgrimido para tal decisión, e o salto a política nacional como Secretaria de Estado de Comercio, posto que xa ocupa na Executiva do partido en Galicia.
Este nomeamento dáse como cumprimento do acordo pactado co BNG como apoio a a investidura do próximo Goberno. Dito nomeamento está tamén, segundo nos consta, avalado polo secretario nacional do PSdeG, Gonzalo Caballero.
A propia Elvira Lama convocará una rolda de prensa, posiblemente o luns a mañá mesmo, para dar mais detalles de esta decisión.
ROLDA DE CONSULTAS CON TODOS OS GRUPOS
Amador Díaz parece estar informando da súa decisión ao portavoz do PP
Ábrese así un novo período de incerteza na Alcaldía, pois Amador Díaz (1º Tenente Alcalde), xa expresou a súa renuncia a ocupar de forma automática o posto que queda vacante, e abrirá unha rolda de conversacións con tódolos partidos para consensuar quen será o quinto portador do bastón de mando do Concello de Xinzo, en menos de dous (2) anos.
A Alcaldesa saínte, informou os mais achegados do seu equipo, ca emotiva frase; “Marcho, porque teño que marchar”.
Seguiremos informando ao longo da mañá de tódalas reaccións e novidades que se vaian producindo sobre este asunto, que consideramos de gran calado para a nosa vila.
