Os usuarios do parque da Alameda de Xinzo piden unha remodelación da zona de xogo

O parque da Alameda de Xinzo non se atopa no seu mellor momento e mesmo pode supor un perigo para os usuarios.

A zona de xogo de escalada ten as cordas rotas xusto por onde teñen que subir os nenos e nenas.

As randeeiras xa están en proceso de arranxarse e ata o momento permanecen precintadas por seguridade.

Os balancíns de madeira están en mal estado e mesmo rotos o que pode provocar feridas nos máis pequenos.

Son instalacións de fai varios anos e por iso algúns veciños e veciñas solicítanlle ó Concello unha remodelación do parque.

Outra das demandas é a mellora da fonte da Pantalla que está pasando a un segundo plano por mor das herbas que crecen nela.