Os vehículos da policía e protección pasaron unha desinfección integral
19:01 13/05/20
19:01 13/05/20
Esta mañá en Xinzo, coa axuda da Axencia Galega de Emerxencias
Hoxe desinfectáronse os vehículos da Policía Local de Xinzo e os de Protección Civil, tanto de Xinzo como dos concellos limítrofes.
Para a realización desta tarefa, que se levou a cabo na Praza Carlos Casares, empregouse un equipo de desinfección cedido pola Axencia Galega de Emerxencias.
Este mesmo equipo trasladouse logo ata o Cuartel da Garda Civil de Xinzo para proceder tamén alí á desinfección dos seus vehículos.
