Xinzo acolle dous espazos para potenciar os proxectos de emprendedores da comarca
As aceleradores de emprego serán presentadas este xoves na Casa da Cultura
Os emprendedores van dispor de dous espazos en Xinzo concebidos para ser aceleradores de emprego. Isto contempla accións como a cooperación con todas as entidades que traballan no eido da formación e asesoramento para a posta en marcha dos mellores proxectos, que serán titorizados por expertos na primeira fase.
En cada unha das sedes haberá catro convocatorias sucesivas que se desenvolverán durante uns 5 meses cada unha e que poderán acoller, en cada caso, a máis de 60 emprendedores-impulsores dun máximo de 22 proxectos por convocatoria e localización. En total, poderán participar nesta iniciativa 1.500 novos empresarios de toda Galicia.
A mañá do xoves é a data na que se van presentar as aceleradoras que actuarán nos dous próximos anos en Xinzo de Limia grazas a un acordo de colaboración entre a Xunta de Galicia e a Escola de Organización Industrial (EOI). O financiamento do proxecto suporá dunha achega conxunta de 4.8 millóns de euros, dos cales a Xunta porta 960.000 a través do IGAPE. O resto é aportación da EOI contando coa cofinanciación do Fondo Social Europeo.
O da Limia é un dos seis espazos para potenciar o traballo dos emprendedores por toda Galicia. O resto de sedes atópanse en Celanova, Cabana de Bergantiños, Monforte, Mondoñedo e Ferrol.