Xinzo tamén conmemorou o día de Galicia
Cun acto institucional no parque Galicia ao que asistiron medio cento de veciños e veciñas
Pasadas as 20:30 comezou o acto institucional co que o concello de Xinzo quixo conmemorar o día grande de Galicia.
LECTURA DE MANIFESTO, MÚSICA E FRAGMENTOS DE OBRAS DE ESCRITORES GALEGOS
Abriu o acto a alcaldesa Elvira Lama para dar lectura ao manifesto internacional que este ano se lle dedicou principalmente e primeiramente a todas aquelas persoas que durante os meses de confinamento estiveron tendo man dos servizos básicos, fosen dos sectores que fosen.
A continuación Alba Feixó deu lectura a Proclama publicada por A Nosa Terra o 25 de xullo de 1934, que leva por título IRMÁNS NA TERRA. Logo tocoulle o turno a Sheila, para rematar co concelleiro de Cultura dando lectura a pasaxes de dúas obras de Manuel María.
Entre intervención e intervención houbo interpretacións musicais a cargo da Agrupación Musical da Limia que remataron coa do Himno Galego con todos os asistentes en pe.
Ao acto ademais da alcaldesa Elvira Lama asistiron os concelleiros do grupo de goberno do PSdG-PSOE e BNG e Luis M.Gil en representación do grupo Popular.