jueves. 11.08.2022

Xornada informativa sobre axudas a PEMES e emprendedores este venres en Xinzo

O acto terá lugar pola tarde no salón de plenos do Concello 

Casa_do_concello,_Xinzo_de_Limia,_Ourense_12

    O venres será unha xornada dedicada a informar ás PEMES e ós emprendedores dunha serie de liñas de apoio. Será nun acto que se divide en dúas partes, unha delas sobre apoio e axudas económicas a cargo do subdirector de información do IGAPE, Curro López. Outra delas tratará sobre emprego e intervirá Covadonga Toca, secretaria xeral de emprego. 

O encontro dará comezo a partir das 19h no salón de plenos do Concello, da man do rexedor de Xinzo, Antonio Pérez e a delegada territorial da Xunta de Galicia de Ourense, Marisol Díaz. Prevese que as intervencións rematen ás 20.45h coas palabras do Conselleiro de Economía, Francisco Conde.

Ó remate, procederase a un roda de contacto e busca de oportunidades de negocio, coñecio como "Networking", acompañado dun viño galego, segundo informan dende a organización. 

A xornada forma parte dun conxunto de accións levadas a cabo pola Consellería de Emprego, Economía e Industria par darlle un pulo á empresa en Galicia e axudar ós que queiran iniciarse no mundo dos negocios. 

Comentarios