O alcalde de Sandiás aposta polo diálogo para frear o enfrontamento co PSOE

Felipe Traveso declarou nunha rede social que "temos que parar esta crispación entre veciños que non leva a ningún sitio e non une senón todo o contrario, divide ós veciños ou sexa, todo o contrario do que queremos". Palabras que fan referencia a tensa asemblea que se celebrou na semana pasada logo de que o alcalde perdese o apoio dun dos seus catro concelleiros, e de que o edil socialista, Juan Manuel Quintas, fora destituído.

Traveso sinala que ante esta situación, o paso a seguir é o do diálogo. O alcalde de Sandiás amosou a súa intención de manter un econtro co socialista Quintas para chegar a un acordo. Así mesmo o rexedor sinalou que si non hai un entendemento cada un tirará polo seu lado pero sempre mantendo un respecto.

Pola súa banda, os socialistas convocaron unha reunión coa militancia e todos os veciños e veciñas para as 20.30h desta tarde, na Casa da Cultura de Sandiás.