Baltar visita Sarreaus

O presidente da Deputación de Ourense, Manuel Baltar, visitou hoxe o municipio de Sarreaus, na comarca da Limia, dentro da rolda de visitas que está a realizar polos concellos da provincia de Ourense. Na casa consistorial reuniuse co alcalde, Gumersindo Lamas, e concelleiros do grupo de goberno, con que analizou temas de cooperación referidos a vías municipais en varios núcleos de poboación, e actuacións en materia de infraestruturas, como beirarrúas ou o equipamento do velorio municipal.